［亂世裡要互相扶持］
一覺瞓醒，見到「游 大東」將我地個節目變成咗一個帖，呢個都不特止，還將節目最後一節我講既嘢抄番哂出泥．我不覺得自己講得特別好，但對於游大東既努力，忍不住從心底裡佩服．
我碩士係研究周潤發，在中大師承研究電視劇「網中人」既馬傑偉教授，一直知道香港的精神面向，和流行文化有重要關連．可惜，香港既流行文化衰落，而娛樂新聞不是走向狗仔化（也式微了）就是走向陳腔濫調，年輕一輩，除了「阿果」仍會堅持寫普及文化，不少有識之士都已經唾棄，實是可惜．
難得年紀輕輕的游大東力挽狂瀾，花了心力去做了不少出色的「流行文化觀察和報道」，例如早前關於陽光檸檬茶廣告歌的大追查，峰迴路轉，讓不少成長於八十年代的網民津津樂道．佢最變態係，連下面留comments既人，都好有心機逐一回應，如此耗用心神的engagement，不是一般人頂得順的．
我開專頁，也受啟發於不少年輕的網絡同路人．今時今日要在媒體裡打拼，要二百分努力，一百分熱誠，而游大東係搏命免費為大家送上高質帖，希望大家多多支持佢個專頁．在亂世裡，我們更加要互相扶持．
【 呢一集 五夜講場／ 哲學 歷史 文學 真係必睇！】
【 嘉賓討論有深度有思考有見解一小時無冷場！】
游大東睇電視只睇劇集？當然不！時事資訊，抑或綜藝娛樂，只要節目做得好，值得睇，我都想寫下一些感受，向大家推介，比如港台電視31在周一晚（31／7）播出的最新一集《五夜講場 ── 哲學有偈傾》，好精彩好精彩。（之前看過同系列的《文學放得開》邀請了鄧小宇做嘉賓：http://bit.ly/2tWkMVd）
點解要再三強調好精彩？大概是因為Talk show要做得好，不容易，關鍵在於，主持要有能力駕馭每集的主題以及嘉賓所講的內容，太深奧，看不明會轉台，太膚淺，看來亦沒意義，如何拿捏中間點？十個字，難！另一點，是獲邀的嘉賓是誰，有時候，我好怕嘉賓「得個殼」，吹水就叻，虛言虛語，言之無物，更慘烈的是，口齒不清，而這集的嘉賓有兩位，包括小弟入行做記者時，已非常欣賞及敬重的前輩（認真Mode）前《明報》及有線新聞記者，現任中大新聞與傳播學院講師 譚蕙芸，以及有幸與他同為 01博評的Blogger，我是他忠實讀者的中大新聞與傳播學院教授李立峯 Francis Lee，主題是「假真相之名」，我實在沒有錯過的可能。
「假真相之名」這個標題有點虛，其實整集內容圍繞幾個主題：（1）真相與事實；（2）客觀與中立；（3）日常的新聞採訪中記者面對哪些張力，上半部（頭兩節），如果觀眾能夠細心看的話，必定會對傳媒運作以及對每則新聞的理解有更多認識，下半部（尾兩節）的討論則以早前有線《新聞刺針》記者踢爆動物傳心騙術為例子，討論何謂事實，何謂真相？怎樣才稱得上是中立和客觀？這一個部份的討論好精彩。
其中他們提到，記者的存在，以及受眾的情緒反彈（尤其是有養動物的人）本身就是事實的一部份，建基於這部份的討論，譚蕙芸提出一個觀點，是關於現時記者面對的困境和難處，我有很深的感受，亦希望讓讀者知道：
＊＊＊＊＊「記者嘅存在其實係好矛盾，對佢地既要求係唔合理，你又要求佢有好高嘅知識、好高教育水平，但記者依家個生存狀態呢？其實你諗下，我今日就可能要做貧窮問題，聽日就做自殺問題，後日我要做醫療問題嘅，每日做不同嘅專家，跟住佢要處理嘅，其實係一個好嚴重嘅情緒勞動，以至好多時候，記者要自保，咁我不如麻木啦，抽離啲啦，但當然啲野做出嚟嘅效果，啲人就話記者冷血。
「咁仲有喎，依家最大嘅問題就係，除咗香港電台之外，間間傳媒都係商業媒體，記者都要背負住，話間公司無錢出糧呀，執笠呀，眾籌呀，即係個責任都係喺記者身上，click rate（點擊率）呀，記者究竟係一個經濟動物，定係道德動物呢？我覺得呢個係一個好大嘅張力。」＊＊＊＊＊
看到呢一段，再想想現時整個傳媒行業的薪酬待遇和前景，我嘆了好多次氣。
好的節目，會讓觀眾有嘢袋落袋，《五夜講場》絕對是其一，未必集集精彩，但需要讓更多香港觀眾知道。事實上，相比最初「開壇」時，他們在內容製作、節奏安排上越見成熟（之前頗悶），至於兩位主持：中大通識教育部講師劉保禧 Lau Po Hei，以及中大通識教育部講師郭柏年 Samson Kwok 莊諧並重，「劉保」介紹「森神」：「實力，收視保證！」「你次次都咁講！」我真係睇到笑咗出嚟。至於今集，感覺上討論未完，是否可以加開一集繼續傾呢？
睇少啲《東張西望》、《Big Boys歷險記》啦，會睇壞腦呀！
重溫這一集《哲學有偈傾》，請click：http://bit.ly/2vkzDfq
（02082017）
＃游大東 ＃即時電視筆記 ＃港台電視31 ＃五夜講場 ＃talkshow ＃記者生涯 ＃記者 ＃傳媒 RTHK 香港電台 方以文 睇電視喇喂 在香港 ‧ 過首爾時間 William on the way
Search